年底開騷唔止得靚聲 閻奕格預告晒線激發女人味
歌手閻奕格（Janice）出道7年終於推出處女專輯，並於年底假九展Star Hall舉行首個亞洲巡迴演唱會。Janice近月開始健身及練氣，務求以最佳狀態示人，成功操出馬甲線的她不單晒歌藝，更有意在個唱上騷Fit爆身材！
27歲的閻奕格生於音樂世家，父親是作曲家及指揮家閻惠昌，母親是古箏演奏家熊岳，Janice自小已愛上唱歌，並視「歌手」為終身職業。2010年，她參加台灣歌唱節目《超級星光大道》踢館比賽，憑實力唱功勝出賽事，並正式加入樂壇，惟一度不堪壓力患抑鬱症，停工兩年多後，近年終於回歸樂壇，並於10月20日推出首張專輯《我有我自己》，12月12日則會假Star Hall舉行亞洲巡迴演唱會！
心思思請譚校長助陣
Janice向來打扮密實，問到個唱歌衫會否帶點性感？她說：「會有少少女人味。」隨即表示近年開始注重健康：「雖然未操到腹肌，但已經有馬甲線。（到時騷畀歌迷睇？）諗吓先啦，個唱概念係正能量。」她早前在港舉行新碟記者會，獲「校長」譚詠麟現身支持，問到可有順勢邀對方擔任個唱嘉賓？Janice說：「我好怕醜，已經私底下搵咗好多朋友，因為12月大家都忙，有好多騷同聖誕節，睇吓邊個百忙中嚟撐場。」
邀《風雲》組團捧場
Janice提起個唱即表現得相當興奮，她說：「第一次開咁大型嘅騷，同埋終於有專輯，可以唱十幾首自己嘅歌！」現居台灣的她說：「次次返香港開音樂會，最開心係可以唱好多廣東歌。（加場？）做好呢場先啦！」早前有份演出《風雲5D音樂劇》的Janice表示會邀請一眾「家人」睇騷，包括出品人及音樂劇總監陳淑芬、鄭嘉穎、謝天華、譚耀文、黎耀祥、鄭丹瑞及胡琳，記者笑言屆時可以即興拉他們上台，Janice說：「我都想呀！」
文：音樂組
攝：李柏儒
服裝：PENNYBLACK
髮型：Kelvin@HAiR
場地：富薈馬頭圍酒店