柯嘉琪轉型當車手飄移備戰

女藝人柯嘉琪（Kiko）曾做過車模及為汽車雜誌拍照，近年開始返東莞學飄移，終成為內地女飄移代表之一，最近Kiko獲邀返內地參賽，直言心情緊張：「最近得到一啲贊助商支持，有機會到深圳試玩圈速賽事，之前學飄移會有車胎保護，而且場地比較大，但嚟緊嘅賽事係真正賽車賽道，終於成為女車手，心情好緊張！」
柯嘉琪為了做個出色女車手，操得好Fit！
柯嘉琪為了做個出色女車手，操得好Fit！

Kiko有到珠海觀摩別人作賽，發現不少女車手都相當靚女，希望也可以成為有姿勢、有實際的女車手，她說：「比賽好需要體能，又要着厚衫焗喺車廂入面，好辛苦，所以都有玩瑜伽、攀石同行山操Fit吓。」

柯嘉琪學飄移，吃了不少苦頭。
  • 柯嘉琪學飄移，吃了不少苦頭。