「飛機哥」事業再攀升 張景淳不再迷失「瞓醒」發圍
藝人張景淳在無綫劇集《使徒行者2》憑「飛機哥」一角人氣上升，原來景淳背後付出不少，拍打戲時流鼻血又弄傷脊骨，但備受注目受傷也值得！目前景淳事業順利，其實他亦試過迷失，經常大覺瞓「避世」收埋自己，最終「瞓醒」走出迷惘期！
張景淳在《使徒行者2》中飾演「飛機哥」，獲不少網友大讚有戲味，受到觀眾留意，景淳開心之餘自爆拍此劇時為求效果逼真，打戲都親身上陣，搞到周身傷，但現時看來一切都十分值得。
周身傷都值得
景淳說：「雖然高難度嘅動作戲份就替身拍，但我平時親身上陣重複做某啲動作，就整傷咗脊骨，其中一節歪咗同凸咗出嚟，初時我唔知，之後一日比一日痛，我問咗林偉，原來佢都有試過，就介紹跌打畀我，睇咗個幾月好番九成。而另一場廚房打戲，又係畀林偉批（月爭）批到流鼻血，好彩武指話Good Take，所以都好值得！」
勤運動添動力
今次景淳憑「飛機哥」添人氣，但他曾經試過「希望愈大，失望愈大」，並迷失了一段時間：「之前事業停頓咗，再加上有唔開心嘅時候，我有年幾除咗返工，就係返屋企瞓覺，出去玩同食飯比較少，一唔開心就瞓。之後我拍《使徒》發覺唔可以咁，最終個人醒咗！」現時生活充實，一有時間他便去做運動，即使深夜也沒有阻擋其決心，因覺得有動力十分重要。
文：專案組
攝：張福宏
髮型：LA BIOSTHETIQUE Central-Jerry Fong