業餘煮婦曾做地獄廚神 胡琳泡菜炒隔夜飯
東網巨星《星級煮意》節目廣邀名人紅星一展廚藝，今集邀得歌手胡琳擔任嘉賓，為大家炮製「泡菜炒飯」。見她有姿勢有實際，還分享小貼士給大家，豈料她竟曾是「地獄廚神」，試過將西班牙肉腸煮成黑炭！
「吉野家星級特約」《星級煮意》新一集請來胡琳下廚，炮製韓風「泡菜炒飯」，她指這道菜式簡單美味，但亦有不少細節位要注意：「所有步驟都好簡單，但最好用隔夜飯，要將啲飯盡量打散，否則冇咁粒粒分明。個泡菜唔好太早落，否則味道會比較淡，最好剪碎啲泡菜，味道就會均勻啲！」她坦言所有前男友都有試過她手勢，亦有大讚她的廚藝。
失手嚇親朋友
不過，胡琳自謙只是業餘「煮婦」，自爆偶有失手成「地獄廚神」：「最恐怖試過買西班牙肉腸煮，嗰次係招呼一對情侶朋友，我未試過整，點知整出嚟嘅效果同我喺餐廳食嘅完全唔同！煮到黑晒， 嗰次嚇親朋友嘅男朋友。」但胡琳依然熱愛下廚，因為她喜歡招呼朋友，認為自己煮才有住家Feel！
加啲辣更惹味
「新派廚神」張本立亦大讚胡琳的「泡菜炒飯」有創意，但建議加辣令菜式更惹味：「用泡菜炒飯呢個Idea我覺得好有創意，不過我會加強少少，會落啲辣嘅嘢，因為個Style都會有少少辣，會加少少XO醬或者指天椒。」《星級煮意》邀得陶大宇、黃建東、杜汶澤、陳嘉桓、陸浩明情侶檔、朱慧敏等亮相，其他藝人名人陸續接力，各人示範不同菜式，又有專家教路煮食要訣，娛樂與資訊並重。節目逢星期四更新，大家可透過東網App或東網網頁收看及重溫。
文：專案組
https://goo.gl/xW216W