《降魔的》嚇出溫情 馬國明「的哥」變天師 黃智雯施魔鬼誘惑

由馬國明、黃智雯（Mandy）、劉佩玥及胡鴻鈞等演出的台慶劇《降魔的》下周一（30日）起晚上9時30分首播。故事講述馬國明飾演的夜間的士司機在一次不知情下喚醒飾演精靈的胡鴻鈞，更被開天眼，開始肩負降魔伏妖的使命。監製方駿釗表示今次題材貼地：「想試吓新嘢，驚嚇程度係有，但未至於係十級驚嚇。」他指雖然劇本包裝成一個靈異故事，但背後卻有溫情元素。

一人分飾兩角

劇中一人分飾魔鬼與醫生的Mandy，對於首次做魔鬼角色大呼好玩：「兩個角色好大分別，魔鬼嗰個造型好特別，件衫又係度身訂造，演繹呢個角色冇框框限制，由我發揮。」說到監製指她演繹的魔鬼帶有狂野Feel，Mandy解釋：「都會露吓腿，但主要係用眼神去引誘馬國明同黃子恆，會用我平時跳舞嘅嘢放入去。」

黃智雯獲度身訂造魔鬼戰衣。	馬國明這位的士司機，原來主要係捉妖。	黃智雯分飾人、魔兩角。

荒山拍攝心慌慌

首次拍攝靈異劇集的馬國明，笑言有幸在演藝生涯可以拍攝這種題材：「覺得幾得意，觀眾心態係愈驚愈要睇，希望呢個題材會帶畀觀眾新鮮感。」他慶幸拍攝時沒有遇到怪事，但指晚上於荒山野嶺拍攝外景，工作人員為求逼真，營造恐怖氣氛，連他自己都驚。提到監製指他可以有粗魯的一面，馬國明坦言開心，因之前的角色較斯文，今次可以開闊戲路。

謝雪心與馬國明於驚嚇劇情中帶出溫情。	做精靈都要露肉，你睇胡鴻鈞就知！	黃智雯與蔣志光的造型均相當突出。

胡鴻鈞「露股精靈」零尷尬

劇中飾演精靈「石敢當」的胡鴻鈞性格向來慢熱，適合演柔弱角色，他指今次拍攝前要做很多準備工夫，每次都要花數小時化妝，他笑說：「可能我拍完《殭》之後，監製見發揮空間大啲嘅角色會適合畀新演員。」提到劇中有露股戲，他表示只是配合劇情，未有想太多：「冇尷尬喎！同劇中演員好熟，大家都係想做好件事。」而監製亦表示是劇情需要，不是為露而露。

胡鴻鈞於劇中暗戀劉佩玥。

劉佩玥（右）指拍《降》劇識到不少好朋友。

劉佩玥最難忍笑

劉佩玥（Moon）於劇中鍾情馬國明，但同時被胡鴻鈞暗戀，她說：「愛情喺呢套劇都有少少，但唔係主線，反而講友情最多，亦令我同馬國明、胡鴻鈞、黃智雯、譚嘉儀做咗好好朋友，拍嗰時好有默契。」她笑言胡鴻鈞及馬國明年紀上雖然有差距，但依然很有火花及默契。Moon表示是繼《殭》後再與胡鴻鈞合作：「最大挑戰係要忍笑，因為胡鴻鈞個角色幾正經，佢係千年妖精，講嘢要文縐縐，但我識嘅胡鴻鈞唔係咁，所以要成日忍笑，拍攝廠景或外景時不時都會聽到超強笑聲。」

文：影視組