謝賢儲定靚鮑等做外父

81歲的謝賢一向疼錫謝婷婷，對於女兒的婚事，當然更加關心。早於6年前，婷婷出席活動時已大爆謝賢原來收埋一啲超靚鮑魚和花膠，留待女兒結婚時做嫁妝，希望女兒婚後衣食無憂，大富大貴。早前婷婷傳跟「鷹眼」謝洛美維拿拍拖，謝賢出席活動時就算未清楚緋聞男友是誰，已肉緊地叫傳媒幫手催婚，足證他對女兒婚事的期盼。