英國男子組合One Direction（1D）前成員Harry Styles，上周末於洛杉磯舉行慈善騷。當他走到台邊時被一名女粉絲施展「鹹豬手」揸下體，嚇得他急忙退開力保「祠堂」，該女粉絲的性騷擾行為被其他粉絲鬧爆！
Harry以獨立歌手身份，上周末於洛杉磯荷里活碗舉行的慈善演唱會《We Can Survive》，拿起結他自彈自唱。Harry的女粉絲向來狼死，為接觸偶像無所不用其極，包括擅闖私人地方。演唱會中，一名女粉絲行為過火，竟然出手揸Harry的「何B仔」！
有粉絲以手機拍到Harry表演期間，走到台邊親近粉絲時雙膝跪下獻唱，引來坐在頭排的女粉絲伸手狂摸，其中一人更放肆揸偶像下體，Harry被對方的「攻勢」嚇窒，立即彈番起身，回到咪架前唱歌，表現非常專業。
事後不少正義粉絲於社交網站留言鬧爆該名女粉絲，有人爆粗表示：「做乜Ⅹ嘢！當你鍾意嘅藝人走近你時，唔代表你可以咁樣摸佢。」粉絲更發起「尊重Harry」的標籤，提醒各位不要性騷擾偶像。
另外，Harry的前1D隊友Niall Horan亦有於慈善騷表演，兩人雖然未有合唱，但完騷後Niall於社交網站留言，指Harry是他的「兄弟」：「睇到我兄弟表演真係好美好。」
文：外娛組