陳家樂撞嘢!鬼咁好托手(月爭)

藝人陳家樂、簡淑兒及郭奕芯早前合作拍攝驚慄電影,趁萬聖節到鬼屋參觀。談到今次拍戲的經歷,簡淑兒指在其中一個單元中與家樂扮演兄妹,「投訴」首次拍電影便要挑戰驚慄角色,更經常遭家樂整蠱,但兩人卻相當投緣,還異口同聲指「有感應」:「套戲喺馬來西亞取景,我哋去咗一間荒廢多年嘅大屋開工,起初都覺得間屋唔係好『乾淨』,有好多蝙蝠飛過,原來真係有人自殺死過!」

郭奕芯聞女聲私語

家樂又自爆「撞鬼」經歷,當時正拍攝他在暗室舉手的鏡頭:「我喺度諗:『都幾攰喎,如果有人托住我隻手就好喇。』話口未完就發覺唔使用力,隻手都舉起!我仲諗後面攝影師咁識做主動幫我,點知拍完回頭,後面根本冇人喺度!(好驚?)我諗都係善意嘅。」

至於郭奕芯表示在馬國取景期間,入住的酒店房經常聽到有女聲在竊竊私語,又試過拍攝時突然一句對白也說不出來,且明明運作中的攝影機最終卻未能拍攝任何東西,認真匪夷所思!

場地:領展樂富廣場

郭奕芯髮型:Iman Tang@hair corner cwb

簡淑兒服飾:Toutacoup@it

陳家樂髮型:Billy Wong

文:影視組