詹瑞文預告爆肚：逐組計錢

藝人詹瑞文昨日參與ViuTV劇集《VR驅魔人》拍攝，一身馬來西亞拿督Look的他表示，過往半年主要在內地工作，除了拍戲和拍劇外，更要為演員作事前導戲及培訓，所以他笑指今次終於做「一般(嘢)」：「角色係個有鬼成分嘅人，即係我本身係人，但喺囡囡眼中係鬼！（會爆肚？）未拍所以未知，但肯定會。（人哋接唔到點算？）唔緊要，我一組組咁計錢，拍唔晒就聽日繼續。」