張建聲增肥15磅演張飛

近日人氣勁升的張建聲為新片增磅。

張建聲近月明顯肥了不少，原來他再一次為拍戲增肥！他說：「最近我參與緊一部我好鍾意、由一個遊戲改編嘅電影《真·三國無雙》，飾演張飛。起初係我老闆蕭定一畀咗三個月時間我去健身，要由普通身形操到變形俠醫嗰隻，本來我都操到七七八八，但到試造型嗰陣，先發覺要再肥啲先似個遊戲角色，所以我最後就增肥，放棄操咗三個月嘅肌肉，食番肥自己，大概一個月內肥番15磅。」

• 黃依汶大讚老公陳國坤的角色好型。

陳國坤因身在橫店開工而缺席慶功，太太黃依汶代表出席，她搞笑說：「老公以前喺屋企唔多打扮，但今次角色好型，我依家同佢講叫佢Gel頭同着西裝瞓。」前晚劇集播放大結局後，全劇24小時內下架，導演宋本中證實消息：「製作時太趕，有細位做得唔好，想重新整理、執靚啲畫面再推出全新2.0版本。」他透露目前籌拍第二及第三季，更會有兩、三個電影版本誕生。