藝人黃美棋近日跟胡諾言和簡淑兒等到日本拍攝越野競技節目，三人在風雨及冷鋒中完成挑戰。期間美棋不小心弄傷手指，手指頭瘀黑兼腫到似巨峰提子，相當嚇人！她受訪時表示今次是為TVB拍攝節目，出發前已找教練訓練體力，日日操到肌肉痠痛。
講到受傷過程，她說：「其中一個障礙要搬個接近60磅嘅鉛球，實在太重，中途唔小心成個鉛球揼中咗隻手指，當時要爭取時間完成比賽，我冇即刻檢查傷勢，之後除低手套先見到手指腫黑晒，不過關節仲郁到，唔係骨折都放心啲，有敷冰同捽藥膏。」她表示現已慢慢消腫，笑言傷處已由巨峰提子變成日本小番薯。