分手一個月 CoCo暗寸猷君校啱時間報料
賭王何鴻燊四房兒子何猷君身邊女伴車輪轉，去年與組合少女標本成員袁紫僑（CoCo），於萬聖節前夕化身小丑情侶開P高調示愛，但昨日爆出二人上月已分手，戀情不足一年火速玩完，CoCo更暗寸猷君公開分手一事：「報道出的好巧，剛好分手一個月！」
賭王何鴻燊四房兒子近日戀事多，先有何猷亨被傳跟「宅男女神」陳瀅復合，但兩人未有承認，相反胞弟何猷君則於上月失戀，回復單身。猷君與CoCo在去年底拍拖，不時在網上平台放閃，猷君更火速帶女友見四太，今年7月，CoCo更透露猷君為她炮製生日驚喜，十分甜蜜！不過，之後兩人愈來愈少晒恩愛，猷君的instagram不但已取消追蹤CoCo，更將二人合照刪走，拍拖未夠一年，已告分手收場。
「我們還是朋友」
據悉猷君透露與CoCo是和平分手，因很多私人原因，而且見到終點，所以分開，他更指為尊重CoCo不想講太多。而CoCo回覆本報時直認二人已經分手，更暗寸猷君公開分手一事：「報道出的好巧，到今（昨）天剛好分手一個月，謝謝大家關心，我們還是朋友啦。」
四太唔知囝囝甩拖
而猷君的工作室微博上載其兩張新相，見他穿着西裝撳電話，心情似乎完全沒受分手影響。至於四太梁安琪對囝囝猷君和CoCo分手表示不知情，問到兒子是否有新女友？她說：「唔係啩，咁快？身邊嗰啲都係朋友啫。（佢身邊有好多女仔朋友？）靚仔係咁，我都唔知邊個係女朋友，拍拖分手好普遍。（佢咁多女朋友，驚唔驚畀人話佢係花花公子？）唔交咁多女朋友點有老婆啊？你揀人哋，人哋揀你啫，可能係佢畀CoCo飛。」
文：名人組