包容男友情史 阿嬌拍拖唔夠3個月預告婚後息影
鍾欣潼（阿嬌）被爆出與貌似王陽明的台灣醫生男友異地戀後，首次在港出席公開活動。談起男友時，阿嬌自爆男友視自己為結婚對象，對方更想自己婚後息影，但之後卻不願多講戀情，因怕「講講吓冇咗」!
組合Twins昨日分別以白色斜膊Look及吊帶裙現身新港城中心，為全新粵語專輯舉行「新港城中心X TWINS《花約》簽名會」，吸引數百粉絲到場支持，更與現場粉絲大玩遊戲，而蜜運中的阿嬌就全程春風滿面。
受訪時談到阿嬌的台灣醫生男友賴弘國可有陪她工作？她指男友不是在港居住，因工作關係要經常做「空中飛人」。問到可掛念男友？她笑說：「你話呢？咁你寫唔知啦！（成日冇得見？）佢都好好，會Organize schedule去就啲期，佢本身都周圍去，編番近啲香港。啲行程實在冇人忍受到，佢堅持到好勁。（覺得對方犧牲好多？）係呀！」問到男友可有為她診症？阿嬌表示男友是醫學美容醫生，自己沒有需要，加上在香港有代言醫學美容品牌。問兩人身份會否對立？她說：「關乜事，唔通養狗唔可以嫁獸醫咩？」
想將來唔使捱
提到蔡卓妍（阿Sa）受訪時幻想過跟阿嬌一起舉行婚禮，阿嬌直言若要實行非常有難度，問到覺得兩人誰會先嫁人？阿Sa笑指今日不知明日事，只要大家現時開心就夠。在旁的阿嬌就突然自爆男友視自己為結婚對象：「等佢財政成熟啲嘅時候，將來唔使捱先算啦，佢話唔想我做嘢。（講定係結婚對象？）如果啫！（視你為將來嘅太太？）係啩，唔知呀，你哋問佢啦，搵王陽明，佢哋咁似樣。（婚後定居台灣？）講到咁遠，講講吓冇咗呀，唔好講！冇諗過咁快畀人知，咁快畀人知好快冇o架！」
「怕影響人哋前妻」
談到賴弘國的情史一籮籮，被網友起底曾離過婚，更殺出「G奶學妹老婆」，阿嬌即維護他說：「每個人都有歷史，每個人都有過去，唔介意、包容同鍾意咪得囉，最緊要唔好影響到人哋之前嗰個（前妻），唔好騷擾到人。（見咗家長？）未見啊，都唔係拍咗好耐，識咗3個月都冇。」
文：音樂組
攝：劉智源