有錢女逼港鐵 黃文意：想靠自己

昨日本報獨家揭露擁有36D「最強Body」的新一代無綫咪神黃文意（Mandy），原來有個身家逾十億元的富爸爸，父親為內地有「LED燈大王」之稱的黃裕發，為免有閒言而密冚家底的她，平時過着慳家生活。Mandy昨日接受電話訪問時說：「爸爸的確喺內地做生意，但我從來唔過問，加上想低調處理家事，所以唔方便透露太多。（平時返工多搭巴士唔坐名車？）其實我唔係扮窮，有時出街會搭港鐵，環保啲嘛。（搵得唔多，應唔應付到兩萬幾元租金？）我嘅事業啱啱起步，爸爸唔想我咁辛苦，所以都有幫手。我想之後靠自己，現階段慳得就慳儲吓錢。」