麥皓兒腳頭好推公司上市

現年29歲的女藝人麥皓兒昨日到尖沙咀出席活動時透露，除了演藝工作外，最近更投資七位數搞珠寶生意：「之前用咗三年時間完成工商企業一級榮譽學士學位，好開心跟住加入珠寶聯盟做形象顧問，同埋投資咗一間珠寶公司做業務發展總監。公司有好多年歷史，今年一日內開咗三間分店。（你腳頭好？）希望係啦！目標係上市，愈快愈好！」問到會否忙到冇時間拍拖？皓兒表示現先專注工作，至於有否在珠寶界認識「鑽石」王老五？她說：「冇諗呢啲，我覺得拍拖唔應該建基於金錢上，男女平等，唔介意男友少錢過我，寧願對方專一同有上進心。」