仔大十八變 許志安細個似女仔：街坊讚可愛

蔡一傑及許志安同是參加新秀踏入娛樂圈，二人相識三十年，亦是已故歌手梅艷芳的愛徒，可算是識於微時，但二人早前才推出首度合唱作品《男藍》，令人耳目一新。日前他們接受東網巨星節目《娛樂onShow》主持俞詠文（Angela）及陳振安訪問，談及童年，許志安指音樂細胞源自哥哥的栽培：「我鍾意音樂其實係阿哥教我，佢成日畀歌我聽、彈結他，喺佢身上學到（音樂）。我以前音樂堂好低分，但係阿哥培養咗我嘅音樂興趣。」又直言自己並非注定做藝人，更自爆小時候被誤會是女生：「其實我好怕醜，出街會拖到阿媽實一實，試過有一次搭(車立)，畀人誤會我係女仔，仲讚我好可愛。」

蔡一傑自細愛表演

相反，蔡一傑笑言自六歲起已能歌善舞：「我六歲好鍾意周圍郁，好細個聽Boney M.嘅歌，又好鍾意表演，吸引人哋注意。」又表示對許志安的第一印象是十分內向，更笑言「仔大十八變」：「安仔係比較內向，當時佢唔係好多嘢講，所以我成日同佢講嘢，但依家大大吓，佢講嘢仲多過我。」此外，他們亦大談首度正式合作的經歷，想知道過程？立即Click入東網巨星收看《娛樂onShow》啦！

相識三十載的蔡一傑（左）與許志安，首度推出合唱歌。

蔡一傑與許志安接受東網巨星主持訪問，大談相識經過。

文：專案組

髮型：Jacky Ma @headquarters（蔡一傑）、Seiko@Hair Culture（許志安）

化妝：Will Wong（蔡一傑）、Maggie Lee （許志安）

https://goo.gl/Ri4sQp