甜美小公主黃翠如冠絕裙芳
東網巨星娛樂節目《星魅博》播出後反應熱烈，深受觀眾歡迎，每集均請來時尚達人，為大家逐一點評不同名人明星的衣着打扮，並帶來最潮、最In的潮流小貼士！今集請來名模陳嘉容擔任客席主持，為大家介紹吊帶裙。她大讚黃翠如穿得如小公主，但略嫌麥明詩身穿的喱士裙有土味，而且頭髮太直，美中不足。
黃翠如
翠如BB呢條裙好有小公主味道，好甜美，其實條裙可以再長番少少，將頭髮放番少少落嚟，成個Look會更清新、更加飄逸。如果加番對耳環或者手鏈、戒指，會更加完美。
周汶錡印度西施
呢個造型有啲似印度西施，佢入面着條Leggings，外面披咗一條One-piece紅色喱士裙，如果佢唔襯對Leggings會更加好睇。
麥明詩髮型累事
呢條喱士裙其實好有夏日氣息，但成個感覺佢着到有啲土嘅味道，可能佢髮型影響！一頭好長直頭髮，如果佢將頭髮Set曲少少，或者紮起一半嘅話，成個感覺都會清爽啲。
陸詩韻突出身形
呢條喱士裙着到佢身形更突出，更加靚，同埋呢個打扮係完全唔會失手，所以喱士裙襯高踭鞋都係一個絕配。
https://goo.gl/P7KiHD