陳詩慧王宗堯共處一室玩通宵

不少人認為在香港做歌手很坎坷，但Eva有另一番見解，她說：「我唔係大富大貴，但唔使憂柴憂米同養家，所以我唔敢話自己坎坷。」她的開支主要花在音樂器材，去旅行更不用使錢：「我『大佬』王宗堯照住我，佢超級有義氣，好錫我。佢知我搵得唔多，但又想帶我出去玩，所以包起所有嘢，仲要係星級待遇。」

「冇當佢男人」

Eva形容與王宗堯的友情比許廷鏗與鄭欣宜更親密，因為王宗堯從來沒當她是女人：「我哋啲朋友成日揶揄我哋，希望撮合我哋，楊淇同周家怡叫我哋結婚。」她笑言與王宗堯的相處模式是互相挖苦，即使間中生氣亦不會放在心上：「我都冇當佢男人！親密程度係去到呢度。（幻想唔到同佢拍拖？）因為由第一日開始，全香港都知佢鍾意咩類型啦，21定22歲呢？我唔記得咗。我唔係嗰隻就唔會諗，同佢真係好兄弟，用好姊妹形容都得，佢有啲位都好乸。」

陳詩慧專心事業，暫時沒打算拍拖。

陳詩慧笑王宗堯喜歡後生女，故兩人絕不過電。

回味「偷桃」

Eva自爆與王宗堯到泰國旅行時共處一室：「我哋一男一女喺房，做咩呢？打機打通宵！我哋有興趣嘅嘢都似，例如打機同拍攝。」她很感激對方無私幫忙，例如出錢出力幫她拍MV。問到擇偶條件？Eva說：「我真係冇乜諗嗰啲嘢，但係當然我同周柏豪拍戲嘅時候會流晒口水啦。邊個唔鍾意靚仔？但靚仔只可以遠觀，唔可以褻玩。」她與柏豪首次合作電影，便要抽男方水：「我要摸佢下面，摸大髀先，想猴子偷桃！我好唔好意思，佢帶我入戲，叫我一嘢揸埋去，我好成功接近偷到桃，回味到今時今日，依家講起都流口水。」

文：音樂組

化妝：J.Wong @ Hello!J

髮型：Cliff Lam @ BEIJING Hair Culture

服裝：Noveltylane

場地：御龍軒