睇過期旅遊書 陳俞希舊景點新體驗
主力主持工作的陳俞希（Hailey），最近忙拍全新旅遊節目《時空旅人》，她表示：「我要攞住本舊嘅旅遊書，去本書以前介紹過嘅地方，睇番依家個地方仲同唔同，例如間咖啡店仲喺度，感覺係咪仲一樣。」她負責去日本京都發掘舊旅遊景點，體驗昔日感覺。
Hailey自爆拍攝時發生一段小插曲：「中途拍去酒吧嘅情景，舊旅遊書介紹係飲酒好有Feel嘅地方，但我哋事前冇向負責人申請，點知佢見我哋拍嘢，就好惡咁問我哋嘢，酒吧好細，佢喝我哋好大聲！我哋當時同佢講係跟咗日本一位好著名嘅旅遊達人嘅舊書嚟呢度，佢聽到後態度唔同晒，可能覺得我哋識得欣賞佢哋嘅文化。」