醫肚話咁易 Yanny創意多士一分鐘食得！

東網巨星節目「吉野家星級特約」《星級煮意》，今集請來Yanny做嘉賓炮製簡單又好味的小食「雞蛋多士」！材料只需要一塊麵包、雞蛋及調味料即可，Yanny笑說：「平時喺屋企唔需要一分鐘就完成，呢個可以話係我嘅拿手菜式，呵呵！」

化廚餘為佳餚

Yanny表示平日比較夜瞓，不想出街食消夜惟有自己煮：「我會選擇快、靚、正嘅方法，或者睇吓雪櫃有乜食剩嘅材料，諗吓點煮先好食。」自言廚藝麻麻的她，分享一次化腐朽為神奇的經歷：「有次我想整意粉食，見雪櫃有盒白切雞，我就將啲雞皮拎去烘，變雞油再拎去炒意粉，但我又冇忌廉，最後用豆奶連埋蒜蓉再加雞肉去整，結果出奇地好食！」

星級廚神杜汶澤讚Yanny打蛋手法利落。	讀者可以將麵包壓出心形或可愛公仔形狀氹另一半及小朋友。	加完雞蛋再加芝士就大功告成。

有成功亦有失敗，Yanny說：「有次睇完電視節目，諗住學佢用酸忌廉汁煮豬扒，但我貪心得滯落晒成杯，最後搞到勁酸勁難食，食完仲想嘔。」Yanny表示曾試過煮四人分量的餸菜，包括意粉和牛扒，當然亦經常煮給男友陳考威（Gareth）食，箍住他的胃。

一分鐘就變出好味小食。

創意多士材料簡單又好味。

杜汶澤教用厚麵包

而「星級廚神」杜汶澤表示最欣賞Yanny打雞蛋部分，手法利落不做作，但認為她在多士上唧過量沙律醬，又提議改用厚麵包，令容納雞蛋的面積更大、更好。《星級煮意》逢周四更新，播出超過二十位藝人、紅人親自下廚示範不同菜式，及多位專家改善餸菜的意見，大家可隨時隨地透過東網App及東網網頁收看及重溫。

文：名人組