范文雅解放Body 越南引仔搭訕
無綫「咪神」輩出，華姐出身的范文雅（Aliya）曾在旅遊節目《3日2夜》中穿泳衣騷Quali，最近客串處境劇《開心速遞》飾演設計師CoCo，穿上緊身裙色誘歐瑞偉，玲瓏浮凸身材令她在網上人氣急升，網友紛紛封她做最索Body！
努力改善身材
早前Aliya忙裏偷閒到越南旅行，除了解放游水自拍，又在房間拍下唯美床照，白滑肌膚加C Cup牛奶胸大為搶Fo！她說：「夏天冇曬過，咪帶多啲泳衣，最近又學緊影相，好多相都係自己Set機影。」身高1米72，三圍33C、23、34的Aliya仍謙稱身形未夠好，要努力改善：「同其他女仔比就冇咩信心，公司好多女仔都好瘦，我有啲肥肥哋，依家每朝都會飲五青汁，同埋多做瑜伽。」
索爆的Aliya在澳洲長大，此行有艷遇引來「同鄉」澳洲男撩傾偈及交換Contact，她說：「當時喺酒店個Bar飲嘢，媽咪幫我影相，但效果麻麻，個澳洲男士就過嚟幫我影，佢讚我Cute同靚女，畀咗Facebook我，仲話自己唔係成日撩女仔喎！」
文：影視組