蔡一傑捉女Fans手摸身摸勢

草蜢將於11月5至8日在紅館舉行「Live Goes On演唱會」，三子昨日出席宣傳活動，吸引數百歌迷捧場，由於門票反應熱烈，即場宣布加開11月10日合共五場，並獲梁漢文神秘現身打氣。

尷尬轉身拉褲鏈

草蜢一出場即大跳大唱炒熱氣氛，表現超High的蔡一傑突然扯高蘇志威上衫，令他露出六舊腹肌，並望住對方下體哈哈大笑說：「你冇拉褲鏈喎！」搞到蘇志威尷尬得用手撳住何B仔，邊轉身拉回褲鏈邊投訴：「成日（目及）人嗰度！」玩完兄弟的蔡一傑再向女歌迷埋手，與對方跳辣身舞時，主動捉住站在身後的女歌迷的手，在其上身上捽下捽，惹來台下歌迷叫囂，最後索性托起女歌迷右腳，搞到穿短裙的她慘露白色打底褲。

傑仔捉住粉絲雙手在身上起勢摸。	傑仔扯高蘇志威件衫，話佢冇拉褲鏈。	草蜢邀得梁漢文（右二）現身打氣。

手護粉絲免走光

遭蔡一傑手多多扯高衫的蘇志威說：「個幾星期前，佢哋兩個已經騷過肌，佢哋唔知我秘密練兵。」蔡一傑笑說：「點知佢冇拉褲鏈啫。」對於捉住女歌迷的手在上身游走，蔡一傑解釋說：「我只係捉住佢手，佢捽唔捽到就唔知，不過我已經用手遮住佢，以免佢走光。」隨即透露今次坐山頂位的觀眾有福，問到是否飛上山頂親近歌迷 ？蔡一傑說：「我哋拍咗啲片，到時會喺銀幕上播，上面觀眾睇得好清楚。」

文：音樂組

攝：唐豁莊