接受囡囡性取向 馬詩慧：搵人鍾意唔易
大女王曼喜同樣是同性戀者的名模馬詩慧，昨晚到尖沙咀出席Johnnie Walker呈獻：《銀翼殺手2049》首映禮，講到吳卓林宣布出櫃，她說：「我個女都係咁，所以我嘅立場冇得講好定唔好，愛有好多種，總之有愛就可以接受到。（父母同囡囡應該多啲溝通？）啱啱開始都接受唔到，當你接受咗，知道有一個開心嘅環境可以畀佢哋一齊，覺得都值得嘅，係開心嘅事。世界咁亂，要搵到一個鍾意個女嘅人都唔容易，同埋要包容對方都唔容易。」
而同場的鄭丹瑞帶同兩位愛女到場，問到女兒若出櫃會否支持？他說：「冇問題到不得了，身邊好多同性戀朋友都好友善。」至於卓林的好友龐景峰亦表支持：「我身邊都好多朋友係同性戀，呢一行都好多，冇問題。（佢曾同媽咪一度因交友問題而關係唔好，更離家出走？）佢係咪搬咗我就唔清楚，如果離家出走就唔啱，但同性戀冇得逼，天生，冇乜嘢可以反對，我好支持佢，同性戀冇必要去怕醜，冇問題，繼續去。」
