代蓮曦丹美睇騷驚恐襲
曾參選港姐的代蓮曦丹美（Daisy）於巴黎時間本月3日現身當地舉行的Paul & Joe 2018春夏騷，她透露今次為無綫拍攝節目《巴黎時裝周》，更透露此行有烏龍事：「我差啲唔見咗個電話，原來漏咗喺主辦方安排嘅車入面，好彩佢哋幫我搵到，仲送番畀我。我又試過畀其他網紅坐咗我睇騷個位。」
Daisy坦言擔心日前法國南部城鎮馬賽發生IS刀手殺人事件：「我睇騷時都會小心啲，例如見到有包嘢放喺地下唔知係乜，我會兜路行。」
同場還有本地著名形象指導郭慶彬，他透露日前弄丟眼鏡要盲摸摸度日：「我依家要戴住副有度數嘅太陽眼鏡，但夜晚就乜都睇唔到，好似夜盲症咁。」同樣在巴黎睇騷的倪晨曦巧遇好友袁澧林，二人不忘合照。