范冰冰 文詠珊大鬥髮

【陳嘉敏、劉智源巴黎直擊】內地女星范冰冰與本地藝人文詠珊（JM)各師各「髮」鬥搶鏡，冰冰於巴黎時間本月3日現身當地舉行的2018春夏時裝騷，以全黑打扮上陣，緊身褲配低V外套及黑超，更束了一頭灰髮，型格登場。至於JM亦煥然一新，將入行至今長至腰的秀髮剪去，換上清新短髮。
范冰冰黑色打扮型格登場。
范冰冰黑色打扮型格登場。

JM透露是入行以來最短的頭髮，希望給大家新鮮感：「之前都考慮過剪短髮，但一直唔捨得，基本上頭髮長度多年來都係近腰位置，剪完感覺好爽！好鍾意呢個新造型。」JM今次巴黎之行，還再逗留幾日休息充電，男友亦專程飛巴黎爭取時間見面。另外，為慰勞一班工作人員，她將會請工作團隊留在巴黎，吃喝玩樂全包，自己則趁機盡情購物，預算無上限。

文詠珊入行至今第一次剪短髮。
  • 文詠珊入行至今第一次剪短髮。