化妝大師陳文輝肺癌病逝 瘦剩70磅

陳文輝乃無綫開國功臣，與鄭少秋、汪明荃等私交甚篤。

陳志達昨晚接受本報訪問時語調尚算平靜，表示父親離世時沒有痛苦，他與太太、哥哥、阿嫂及陳文輝結婚19年的第二任妻子Deborah亦陪住他走最後一程，陳志達說：「爸爸係晚上八時十五分離世，佢肺功能去到零，呼吸慢慢減少，直至呼吸慢慢停止，冇痛苦，佢近幾個月都食唔到嘢，走嘅時候70磅，好瘦，個肚凹晒，當然大家都唔開心，但由病發到依家四個月，都唔係捱咗好耐好辛苦，因為呢類病人好多都好辛苦。（爸爸有咩遺願？）都係子孫個個安好，我本身係亞視化妝師，最近亞視話重組，我會返去做，都叫還爸爸心願。」他透露父親身後事有待在加拿大的兄妹返港後開家庭會議再決定，暫時遺體打算火化，葬禮沒有宗教儀式。

不少藝人都在網上發文悼念陳文輝，包括陳展鵬、李珊珊等，「金牌司儀」何守信亦大讚陳文輝五分鐘完成化妝「快靚正」！而殿堂級藝人汪明荃與陳文輝多年來合作無間，對對方突離世感可惜：「一個月前探過佢，當時佢精神都OK，佢見到我都好興奮，大家傾咗好耐。一位好朋友咁樣突然離開，好令人懷念，會為對方的身後事盡一分力。」

汪明荃	陳文輝兒子陳志達（左）表示爸爸走得安詳，中間者為孫兒Gary。