陳豪造型被彈 求髮外開恩
無綫熱播劇《使徒行者2》收視有口碑，在內地的點擊更已衝破十億，一眾演員對成績均大感興奮。忙住湊仔的陳豪未能抽空追劇，對於被網友彈造型，他笑言已原諒自己，希望大家亦能見諒。
藝員陳豪（阿Mo）、黃翠如、苗僑偉、麥明詩（Louisa）、許紹雄等，昨日到馬鞍山宣傳主演的熱播劇集《使徒行者2》，與劇迷歡度中秋佳節。
活動上眾演員宣布劇集在內地的點擊已破十億，阿Mo被問到可有追睇劇集時，身為廿四孝爹哋的他笑說：「小朋友要早瞓，所以盡量少開電視。湊小朋友已經非常忙碌，佢哋放學返嚟開始忙，又要忙餐單、又要整勞作，唔好話睇電視，連健身都冇時間。」阿Mo除了演技搶眼外，在劇中的造型亦成為網民熱話，提到劇迷評價不一，他笑言：「其實我已經原諒自己，大家都原諒啦！髮型係有少少敗筆。」
翠如約唐詩詠過節
而翠如自言有在網上追劇，得知收視及歌曲有好成績，她表示：「好開心，因為三哥（苗僑偉）、宣萱同周柏豪喺外地多人識，成個製作都好好。」由於男友蕭正楠正在加拿大工作，她續表示已相約好姊妹唐詩詠過節。提到好友曹永廉將到剛發生槍擊案的拉斯維加斯登台，翠如表示：「呢個世界嘅危險變得好近，任何工作總之到外地都要注意安全。講Safe trip已經唔係普通祝福，係真係希望大家可以安全返嚟。」
麥明詩帶好友見識
而忙拍新劇的Louisa，表示有在英國讀書的男性好友訪港，計劃帶對方四圍走走，但關係絕非大家所想。問到會否帶對方去蘭桂坊見識？她笑言：「嘩，未必啦，可能去吓公園都得。」
文：影視組