化身「火猩哥」 杜德偉蒙面跳唱變魔術搶鏡

差啲認錯老婆

受訪時，Alex自爆綵排期間已被工作人員認出：「導演組希望我唔好咁快畀人估到，叫我改唱腔，不過最後都想我用番自己把聲唱，仲叫我跳舞，咁有乜可能唔畀人認到？」又透露錄影現場十分嚴格，歌手所有隨行親友及工作人員都要戴上面具，所以差點連老婆也認錯！

騷才藝被考起

談到在才藝環節表演魔術，他成功將一支茄汁變成一個番茄，最後更將整支茄汁變走，贏得全場掌聲。原來他曾在囝囝AJ百日宴上邀請一位魔術師朋友表演，這次特別向對方學習，Alex直言被考起：「我唔鍾意玩魔術，因為緊張過唱歌好多，同埋唔想知道咁多玄機。」另外，Alex昨晚在微博貼出AJ的照片和留言：「他才是真正的『火猩哥』！祝火猩哥一歲生日快樂！」

文：音樂組

將茄汁變成番茄，到底係點做到o架？

放大圖片

呢隻「猩猩」咁有台風，難怪大家都認得佢係杜德偉。

巫啟賢被邀請上台一起跳舞。