拍音樂劇谷國語碟 陳奕迅Eric Kwok爭女開拖
歌神陳奕迅（Eason）為宣傳全新國語專輯，特別跟ViuTV聯手炮製音樂劇。首次拍劇的Eason於劇中與好兄弟郭偉亮（Eric Kwok）因爭女而大打出手，拍攝時更不慎扭傷。另外，Eric Kwok自爆遺傳了爸爸的風流性格，所以在劇中飾演花心男的他可盡情發洩。
歌手陳奕迅、郭偉亮、蔡思韵（Cecilia）、余香凝及蔡潔昨日出席ViuTV 99台與Eason合作的音樂劇《短暫的婚姻》記者會，但Eason沒有接受傳媒訪問。首次擔正拍劇的Eason在台上表示雖然拍劇需時較長，但跟拍攝電影分別不大。提到為配合其全新國語專輯而炮製的音樂劇，將於下周一開始播出一連五集，他笑言：「發誓唔會做導演，因為實在太辛苦喇！」而Eric Kwok就指今次角色就像其父般風流，還大爆首次和好友Eason做對手戲就要爭女打交，笑言非常珍惜此機會。最後，現場播出了劇中部分片段，片中見到Eason跟Cecilia疑似有場咀嘴戲。
郭偉亮盡情風流
Eric Kwok受訪時，提到在劇中要跟好兄弟Eason爭女打交，他笑言：「一人一拳，都打咗幾耐，但出到嚟就唔係好耐。（有冇受傷？）佢好似扭到少少，但我哋已經就住，扮扯佢頭髮，佢又扮掹我啲鬚。好難扮打，我覺得真打會易啲。」其後，談到Eric Kwok指爸爸很風流，他笑言劇中角色身邊有很多女人，問到可有遺傳到爸爸的風流基因？他即說：「有啊，所以喺拍戲度發洩出嚟，冇可能喺現實生活發洩！」又自覺今次演技合格。
蔡思韵拍親密戲NG
另外，問到Cecilia在劇中可有跟Eason咀嘴？她大賣關子表示不便劇透，希望大家能夠好好欣賞這套音樂劇。講到跟Eason有親密接觸，是否特別緊張？她笑言未入戲前的確非常緊張，但一埋位就入了戲：「但係導演覺得拍得唔夠完美，所以NG咗一、兩次。」
文：音樂組
攝：鄭家俊