馬德鐘趕到營救 張文慈危坐「春嬌橋」 壽星女嫌命長

剛於9月30日度過46歲生日的Pinky，翌日接着過農曆生日，當日卻「搵命博」為無綫新劇《跳躍生命線》拍攝危坐天橋的戲份。畏高的她前日下午與同劇的馬德鐘及戴耀明等現身九龍灣「春嬌橋」（或稱「志明橋」，電影《志明與春嬌》拍攝地）開工。劇情交代Pinky危坐天橋玩自拍，途人誤以為有人自殺報警，飾演Pinky弟弟的馬德鐘即一身救護員制服趕到。為求拍攝效果更完美，劇組租借消防及救護車，更有真消防員到場協助拍攝。

腳軟！驚搞到撞車

雖然正值公眾假期，但途經的車輛不少，拍攝中途更突然下起大雨，現場又濕又焗。Pinky因應拍攝需要，於「春嬌橋」窗口位置不停爬高爬低，令旁人睇得冷汗直標。她事後受訪說：「起初望落去真係腳震，仲要見到啲司機望上嚟，我驚搞到人哋撞車。其實公司好好嘅，有五名猛男喺身邊扶實我，又出動三條威吔確保我嘅安全，所以後來我都淡定咗。」

馬德鐘飾演救護員，趕到天橋救「家姐」張文慈。	劇組出動救護車及消防車「戒備」。	放大圖片

談到農曆生日「玩命」，Pinky直言相當難忘，至於生日願望，她笑指自己無求：「極其量都係想屋企人個個身體健康。（點慶祝？）好開心同啲閨密唱吓K、食吓嘢咁，平淡是福嘛。（禮物？）收到幾束花，其中一束係菲菲（前亞姐繆非臨）喺上海越洋送贈，大家都好有心。」簽約無綫後她拍了四部劇，而《跳》劇尚有幾天便煞科，終可小休的她已計劃與家人到台灣探望胞姐享天倫。

拍攝期間，張文慈腰間扣上三條威吔確保安全。

張文慈（右）貼圖賀萬綺雯牛一。

另外，Pinky好姊妹萬綺雯昨日生日，Pinky於社交網分享二人合照，留言祝對方日日開開心心、永遠美麗。

文：影視組