泰國餵飽江若琳Oscar講明四個人返
昨日是歌手江若琳（Elanne）30歲生日，與「生煎包王」男友蕭潤邦（Oscar）雖身在泰國，但前晚踏入牛一即在網上放閃，壽星女上載吹蠟燭及許願的相片，並留言：「其實人生追追趕趕最後都唔及得有愛嘅人喺自己身邊」，男友則留言：「我都會好好照顧你o架！」
送首飾冧壽星女
Oscar接受長途電話訪問時透露兩人玩足六日，形容今次要「餵飽」女友：「佢為咗之前嘅演唱會乜都唔食得，我都忍得好辛苦！（餵咗女友食咩？）我哋周圍去掃街，兩個人食咗四碗麵，仲有湯同飯啊，另一餐食咗三碟豬腳飯。」問到可有送禮物，Oscar說：「都係送首飾囉！唔通送西瓜咩？（兩個人去三個人返？）係四個人返！佢本來100磅變200磅，我變300磅，飛機未必載我哋。」
Elanne受訪時冧爆說：「好開心，覺得唔係自己一個人！經過咁多嘢，我冇乜大志同願望，最緊要開心同健康。」身旁的Oscar搭嘴說世界和平，她即發嬌嗔。問到Oscar前晚的表現如何？她讚：「佢唔止一日，一直都表現好滿分。（男友求婚都答應？）睇吓佢做咩啦！希望佢係陪我行到最後嘅人。」
文：音樂組