楊采妮兩個夠數唔追女
藝人楊采妮前晚撇下六個月大的孖仔來港出席護膚品牌活動，提到好友郭富城做老竇，她雖未探B女，但相信必定是靚女及跳舞叻。問到將來會否對親家？她說：「對親家就唔會，我有兩個，唔好爭，但大啲大家可以一齊玩，我有同佢講好好Enjoy做新手爸爸過程。（再追個女？）唔會，年紀大同我都有兩個。」
同場的謝婷婷表示剛從美國返港，若有機會想在當地發展。提到緋聞男友荷里活男星「鷹眼」謝洛美維拿（Jeremy Renner）早前受訪，指二人只是朋友關係，她直言並冇因而不悅：「我都話係朋友，係事實。佢做完個訪問，返到屋企有同我講有人咁問佢，嗰時我哋喺佢屋企食Lunch，之後就一齊去首映。」至於是否不想公開關係？她指在外國與出名的明星拉上關係並不是好事，她亦不想被標籤，想做好自己。