蘇玉華無中生有 廚神也頭痕
演員蘇玉華昨午為「Panasonic派對煮意大比拼總決賽」擔任評判，素有「美女廚神」之稱的她，謙稱自己只是到場「學嘢」：「學海無涯嘛！（你廚技都好叻。）夠用囉！（有冇計劃向飲食界發展？）又冇喎，呢樣係興趣，我覺得自己專業係演戲。」
期待舞台劇扮煮
阿蘇表示曾試過花了3日時間，為16人準備聖誕派對食物：「又炆又煮，嗰時又拍緊嘢，加上我會準備埋餐牌畀大家，所以比較花時間。」而最近她寓興趣於工作，於即將參演的舞台劇《小城風光》內「一展廚技」：「舞台劇11月公演，今次係為咗King Sir（鍾景輝）80歲生日。我演嘅角色係喺冇實物情況下扮煮嘢食，係有難度嘅。」她表示相當期待演出：「因為今次能夠同舊朋友，好似謝君豪及楊英偉等合作，都幾期待。」
文：影視組