湯洛雯爆羅天宇見埋家長

藝人湯洛雯（靚湯）與黎諾懿昨日「夫妻檔」出席商場活動，談到近日被拍到與緋聞男友羅天宇於紅磡同居，靚湯急急否認：「嗰度係我屋企！嗰日佢接我去食嘢。（話你哋拍咗四年拖？）係了解咗好耐，發展緊。」還為羅天宇被指「食女王」一事平反：「其實佢係好專一嘅男仔，唔好再話佢喇！（羅天宇唔開心？）又唔會，都慣咗！但我覺得次次咁寫，佢好無辜。」問到有否影響父母對羅天宇印象？靚湯滿有信心說：「父母見過佢，因為一班朋友食飯撞到，唔係咩見家長，但覺得佢幾乖仔同靚仔。（中秋節約埋一齊？）我唔使開工但未有好多計劃，佢都冇約我。」黎諾懿聞言即抵死說：「我叫佢約你喇！」