王浩信對得住Yoyo食「蔡」？大佬我點夠膽！

圈中模範夫婦王浩信與陳自瑤（Yoyo）近月不時傳出婚姻亮紅燈，最近更有指浩信與《踩過界》女拍檔單獨約會，令Yoyo難以容忍而分居收場。前晚急澄清與Yoyo情不變的浩信，昨日以一身黑色西裝出席護膚品活動，為近日的種種傳聞「拆彈」。

怕影響女兒成長

對於婚變傳聞，浩信受訪時直言「勁無奈」，他認真地說：「我同太太一啲事都冇！可以放心，冇分居，一直住喺度，鄰居都知，希望大家畀番空間我，唔好成日咁講。」又指女兒王靖喬開始長大，傳聞會影響到其成長環境。問到有否做過對唔住老婆的事？他誓神劈願說：「完全冇！唯一係冇時間陪佢！」提到被指與蔡思貝匿入VIP房逾五分鐘，他坦言一直只會與家人開VIP房：「大佬我點夠膽咁做，冇理由會自己傷害自己。」亦替蔡思貝等拍檔受牽連感無辜。

活動後，王浩信乘黑色七人車急急返家見妻女。	Yoyo終於蒲頭，但隻字不提老公的緋聞。	被指與蔡思貝單獨去「滾」，王浩信坦言唔夠膽。

提到有指平時會與兩位人夫組「獵女三劍俠」，浩信即說：「邊有朋友呀依家，所有時間都係花喺個女身上，最大目標係幫佢搵間好小學！」他自言因一家人少合照及出活動，故經常被傳婚變：「每個人都有自己Style，我哋唔係成日拎屋企人出嚟講嘅人。」強調夫妻關係依舊，老婆亦不會個別再回應事件。對於分居之說，浩信說：「有錢分居都買咗樓住啦！之前都可能會笑笑口回應，但今次真係好認真答一次，希望大家畀空間我哋。」

完騷返家冧老婆

活動後，浩信隨即返回與妻女同住的將軍澳寓所。連日來「潛水」的Yoyo昨晚更新社交網，但只談扮靚，封嘴不提是非纏身的老公。浩信隨即畀Like，證明兩公婆情未變。

文：影視組

攝：追蹤組