憑《皇上無話兒》（The King's Speech）奪奧斯卡金像影帝的英國男星哥連卓夫（Colin Firth），日前被爆因擔心受英國脫歐影響，入紙申請意大利護照，跟意大利籍太太一樣成為意大利公民！
57歲的哥連現時與48歲的意大利籍監製老婆Livia，同樣擁有英國與意大利的雙重國籍。哥連受訪時直認申請意國護照是由於脫歐產生的不確定性因素。他表示與意大利有超過20年密切關係：「我喺嗰度結婚，兩個小朋友喺羅馬出世。我哋原本冇諗我哋有唔同護照，但依家周圍充滿唔確定嘅因素，我哋先明智地諗要用同一國家嘅護照！」他又揚言一向都「好英國」：「只要睇或者聽我就知，英國係我哋嘅家，我哋好愛呢度。」哥連透露與他結婚20年的老婆近日亦申請英國護照，兩名16歲及13歲的兒子亦一早獲意英雙重國籍。據知哥連於上月申請入意籍，當時他完成測驗及面試後成功獲批。
此外，哥連主演的新片《皇家特工：金圈子》（Kingsman：The Golden Circle）上周五在北美開畫，預計開畫三日勁收3.12億港元，成為本周北美開畫票房冠軍。