被「點錯相」陳瀅呻尷尬

藝人陳瀅（Jeannie）前晚在元朗以萌爆浴衣造型出席日本動畫首映禮。提到日前睇Ariana Grande演唱會時，被無綫娛樂新聞主播誤以為她是人母吳若希（Jinny），令好友何雁詩忍不住在網上爆料，Jeannie坦言當時勁尷尬，一度以為聽錯：「可能佢係新人，未認得到所有藝人，我唔會怪佢。（何雁詩好似比你更嬲？）可能佢錫我，覺得陳瀅咁瘦，邊似有BB啊！」記者問她會否覺得自己真的生了BB，她笑說：「我真係以為佢講嘅『BB』係男朋友，所以好奇怪。」問到何時搵番個「BB」？Jeannie指隨緣：「我都想嘅！可能拍完套戲之後先有時間識男仔。」