黎諾㦤恨與嘟嘟合作 集齊三條Queen
藝人薛家燕和黎諾㦤等前晚為熱播劇《燦爛的外母》請食結局飯，薛家燕更爆諾懿將有十多個廣告，要他請客，他亦大方表示冇所謂。問到可想「添食」拍續集？諾㦤笑言要看結局收視能否超越《同盟》成績：「聽講佢哋有31點，希望收視好，開第二集當然冇問題！依家同家燕姐、汪阿姐（汪明荃）都合作過，仲差嘟姐（鄭裕玲）就齊啦！（鄭裕玲做你外母？）梗係做我女友啦！（要有咀戲？）嘟姐肯我當然制。」
此外，問到薛家燕兒子石耀庭的婚禮進度，她說：「佢哋話想我唱番《燦爛的外母》主題曲，所以我請咗中心班小朋友扮Q版外母，加上我就會扮Michael Jackson。（十字步Cross Over Moon-walk？）係呀，依家練緊Moon-walk！」