藝員陸浩明（6號）昨日出席活動，問到會否稱愛車做「老婆」？他笑言怕女友陳詩欣呷醋：「佢就快生日，或者我買架車畀佢，一石二鳥，到時佢可以車我返工。（要女友做柴可夫？）佢好細膽，考咗牌一段時間又唔揸。（架車寫女友名？）係呀，佢唔係藝人買保險應該平啲！」講到早前拍攝《Ben Sir睇樓團》，6號直言睇中800萬三房樓盤，希望早日「上車」再結婚。
