湯寶如驚重蹈覆轍拒裝長樓梯
昨日歌手湯寶如（湯記）為11月15日假九展Star Hall舉行的「湯寶如獨愛音樂25周年演唱會-香港站」舉行記者會，她重提好友黎瑞恩擔任其紀念入行20周年的紅館演唱會嘉賓時，不慎在台上的樓梯連跌幾級，連鞋都飛脫的驚險事，故今次再邀對方任嘉賓時，要求舞台不要再有長樓梯，她說：「睇番條片仲猶有餘悸， 如果係都要有條長樓梯嘅話，咁咪由佢擺喺度，但我唔會行囉！」除黎瑞恩是鐵腳嘉賓外，還邀請了久未在港開騷的陳曉東。
戒澱粉質變躁狂
談到慶祝入行25周年，湯記打算完騷後籌備Crossover其他歌手的演唱會，互唱對方的歌，男或女歌手亦可，但她較想跟男歌手合作：「想唱男仔歌。」
她又指為騷減肥戒食澱粉質，令脾氣變得躁狂，幸好近期較少見兒子，故不用受她氣，她說：「佢都有投訴， 我話媽咪要做演唱會，我仲叫佢嚟睇，佢答我盡量，依家小朋友唔逼得，要放手，功課都唔自己教，試過爭啲要除鞋，攞藤條，同埋啲功課真係好深。」
文：音樂組