黃心穎浸溫泉喪(目及)全裸高海寧
無綫新劇《雜警奇兵》演員黃智賢、黃智雯、黃心穎及陳自瑤等昨日出席宣傳活動。剛與森美及高海寧到東京拍攝旅遊節目的心穎，自爆撩高海寧「真空」浸溫泉：「我哋去浸溫泉嗰陣，我問佢浴袍裏面點解着住泳衣打底，我裏面就乜都冇着，後來佢都除咗泳衣，大家都有互(目及)偷望，佢咁靚嘅風景，唔係唔睇嘛！哈哈。」講到拍攝節目，心穎笑稱最有睇頭是森美：「佢一掹開毛巾，我真係嘩咗一聲，佢啲肌肉好靚，但冇抽水，因為唔知掂邊度好，淨係(目及)咋！」
冇買手信畀「奶奶」
問心穎可有在當地「血拼」？她笑說：「有呀，趁拍攝空檔出去買玩具。（買畀馬國明？）唔係，買畀自己，擺設嚟嘅，佢都唔鍾意玩具。（有冇買手信畀馬國明？）有呀，買咗嘢食。（有冇買嘢畀伯母？）唔知啲嘢食佢畀唔畀伯母喎！」
談到新劇安排在星期日新時段連播兩小時，黃智賢說：「星期日播幾好，套劇輕輕鬆鬆，亦都有懸疑嘅案件，係一套開心劇。依家節目安排好清晰，星期六就綜藝節目，星期日就係劇集。（預計有幾多收視？）冇預計，依家啲人睇電視嘅習慣唔同咗，唔係淨係睇點數嘅！」黃智雯亦覺得劇集在周日連播兩小時會更有追看性。
