王祖藍揸車敷Mask隨時犯法

王祖藍日前上載多張坐在駕駛座敷黑色面膜的照片，並留言自嘲是「黑面神」：「我助手猛話我咁樣會嚇親人，會咩？」不少網民隨即留言反問他如在駕駛途中敷面膜嚇人，會否違法，又指他此舉可能會影響道路安全。

對於祖藍敷住黑色面膜駕駛，大律師陸偉雄昨日接受本報電話訪問時表示：「敷Mask或戴口罩等任何容貌問題唔係犯法，問題係駕駛時唔專注，有機會導致不小心駕駛，如果再嚴重就係危險駕駛。」他續說：「如果敷Mask呢個行為快手快腳一分鐘內搞掂，就可能係不小心駕駛，如果揸緊車嘅時候又化妝又剩，就可能構成危險駕駛。」至於王祖藍是否在駕駛途中敷面膜，他至截稿前未有回覆。

李亞男貪靚着Deep V

另外，祖藍太太李亞男繼月初性感登場後，日前再以超Deep V大露背裙出席活動，問到老公可有詐型？她笑說：「揀呢件衫係想配合番活動主題，唔係次次都要性感示人，最想件事出嚟係靚。有Send相畀老公睇，但可能佢太忙未有時間覆我，相信佢會覺得靚嘅！」她又透露人生中收過最珍貴的首飾共有兩件，都是由老公送贈：「第一件係拍拖時，佢第一次送畀我嘅十字架頸鏈，第二件就係求婚戒指，係心形鑽石，我唔捨得戴，只有隆重場合先會拎出嚟戴。」

文：專案組