陳豪過反派癮嫌斯文
在《使徒行者2》中飾演大反派的陳豪，似乎對角色沒有江湖Feel有點失望，他昨晚在劇集首播活動上說：「我都放下屠刀咁多年，諗住今次做大反派會激啲，結果角色唔係，係好斯文啫！不過都好過癮，我做咗好嘅角色好多年，想有啲改變，畀觀眾新鮮感。」
至於拍檔宣萱則揚言等了25年也沒機會演反派，寄望他日能一償心願：「要一出街畀人鬧嗰隻！」談到活動後將與苗僑偉及許紹雄等直播鬥麻雀，她透露平日也有打廣東牌及台灣牌，問可擔心露出真性情？她說：「唔驚，心態都係娛樂，同佢哋打邊會正經，當玩囉！我牌品都幾好，唔會輸咗反枱，只會匿埋喊！」