柏豪私伙洗衣機洗底底翠如唔敢Share
黃翠如昨晚與周柏豪出席劇集首播活動，期間大爆柏豪到內地拍外景時自備專用來洗底褲的洗衣機，更邀她「開心Share」一齊用，但她耍手擰頭，直言不想與柏豪的底底撈埋一齊！
黃翠如、周柏豪、苗僑偉及洪永城等昨晚出席無綫新劇《使徒行者2》「9.18全球同步震撼登場」首播活動，主角柏豪坦言很期待，因劇中很多飛車及打鬥場面，問到與翠如有否床戲，他說：「冇呀！啲親熱戲喺晒佢同袁偉豪度。」翠如與柏豪曾合作，相當稔熟，對於男友蕭正楠指她今次與多位男神合作是「明益」她，翠如笑說：「豈有此理，講呢啲！周柏豪不嬲都係我男神，佢今次付出好多，去內地拍外景嗰陣買咗洗衣機同好多健身器材喺酒店用。」柏豪解釋：「我好鍾意做運動，帶咗好多底褲都唔夠着，最少一日換3條，所以要買洗衣機洗先得！」記者問翠如有否被邀共用洗衣機洗底褲，翠如笑說：「佢有叫過我o架！不過我話唔好，費事撈埋一齊！」
洪永城唔敢坐三哥車
至於苗僑偉（三哥）透露劇中很多飛車場面都親身上陣：「架車係棍波，導演見我揸得咁好，呢啲難唔到我。（安全？）導演都驚o架！（向三嫂備案？）佢對我有信心，危險嘅我會交畀替身。」三哥今次親熱戲不多，談及翠如之前揚言想咀他，他笑說：「咁畀面？下集先啦！」監製蘇萬聰則指現場最難控制是三哥，因他不時行近危險爆炸場面，覺得拍出來效果更佳。
至於客串飾演三哥下屬的洪永城，被問是否多坐三哥的飛車？他說：「有呀！導演話有替身，但三哥堅持自己揸。我真係好驚，反過來問導演我可唔可以搵替身！（唔多戲？）唔多，所以有日向監製要求加戲，點知第二日就拍我炸死！」此外，問到蔡思貝早前被指拍《大帥哥》時過他房做運動，洪永城說：「亂咁寫，係成班人去我房食嘢同傾偈。」
文：影視組