周秀娜胸襲茱麗葉博愛情轉運
藝人周秀娜早前應品牌邀請，到意大利維羅納（Verona）出席活動，一場來到意大利，周秀娜把握機會往「朝聖」，但她並非只顧shopping，原來是走到茱麗葉銅像求姻緣。
牆上掛滿愛情鎖
電影與廣告路路暢通，專注事業的她，惟感情方面一直未有着落，當獲知英國大文豪莎士比亞筆下的《羅密歐與茱麗葉》便是以此舊城作為創作背景，正好趁此趟來到這個愛之都求姻緣，她說：「Verona係一個好有文化氣息嘅地方，可以話係羅密歐與茱麗葉嘅發源地，因為之前睇咗部戲，一路好想去茱麗葉嘅露台，嗰度有個茱麗葉銅像，今次專登去摸銅像個胸。傳說話只要摸一摸茱麗葉個胸，就會帶來好運，感情順利，所以我都要入鄉隨俗。我買咗茱麗葉個胸做手信，買嚟紀念吓，嗰度仲有好多心心鎖，好多有情人會寫低字條同標籤掛喺牆上，希望下次可以扣到自己嘅愛情鎖。」
外籍人士攞電話
周秀娜一看到銅像，二話不說便施以「胸襲」，同行的朋友亦加入抽抽水，看到銅像的胸部已被遊人摸至光滑如鏡，大家也忍不住笑。身在異地的周秀娜，亦甚有異性緣，惹來不少狂蜂浪蝶，她說：「嚟到咁靚嘅地方，我哋四處行影咗好多靚相，有外籍人士問我名又想攞電話，最終我都係好禮貌咁影咗張相。」
文：名人組