馬德鐘何廣沛焗住救人爆汗似桑拿
藝人馬德鐘與何廣沛為無綫新劇《跳躍生命線》拍攝大型拯救場面，二人在炎熱天氣下穿起救護員制服，熱到大汗疊細汗，笑言似足焗桑拿！
無綫新劇《跳躍生命線》演員馬德鐘、何廣沛、張彥博及韋家雄等，昨日在將軍澳拍攝拯救場面，劇情講述泥頭車與旅遊車相撞，飾演救護員的馬德鐘與何廣沛奉命出動拯救傷者，為求效果逼真，現場有不少警車及消防車助陣。
上外景車過冷河
昨日天氣酷熱，身穿救護員制服的馬德鐘與何廣沛被問是否很辛苦？何廣沛笑說：「好似焗桑拿咁，流咗好多汗，不過辛苦都係值得嘅，頂得住。」馬德鐘則認為不算辛苦，因為早前在懸崖拍攝一場拯救戲時，天氣更熱兼曬足全日，更加辛苦，對精神及體力也是考驗！相比之下，昨日已算舒服得多，埋位拍攝前更可上外景車涼冷氣。
留畀後生仔騷肌
馬德鐘透露稍後還有不少大場面要拍攝，談及早年在劇集《飛虎》中有連場動作戲，問他演飛虎隊還是救護員較辛苦？他笑說：「不相伯仲，希望下次可以拍啲舒服嘅戲，拍吓《超時空男臣》咁就好。」何廣沛即笑說：「嗰啲又真係舒服好多，輕鬆好多，你Fit吖嘛！所以咩場面都有你份。」馬德鐘笑說：「我角色多事啫！」問到劇中可會晒肌？他笑說：「我一向都唔使喎，留番畀佢哋啦！（浪費好身材？）唔會，留畀啲後生啦！」
文：影視組