替身撞爆頭照開工譚耀文拍片致敬

藝人譚耀文前日拍攝新戲時險遇意外,其替身梁展峰拍一場被車撞至飛彈落地的戲份時,因發生意外撞爆頭,要送院治療,幸縫針後無大礙,更即刻再開工。譚耀文被對方的專業態度所感動,替其拍片做訪問放社交網表揚一番!

譚耀文又大讚特技人員極之專業,受傷後仍第一時間睇番Playback,擔心動作唔夠靚。他接受訪問時表示:「佢(替身梁展峰)因為唔想影響進度,縫完針後,即刻返回拍攝現場,我哋全個劇組都好感動,佢嘅專業精神非常值得敬重,受傷後仲繼續堅守崗位,向電影幕後英雄致敬!」