瞞唔過大狀林作：典型講大話模式

林作早於8月中已在Facebook留言：「收到可靠消息，拍AV係流料。」對於麥紫莉「跪低」認老作，他直言過分，更批評她的戲「太屎」！麥紫莉曾亮相他主持的ViuTV節目《晚吹-KOKOL》，林作指當晚觀察過Chili，加上做過大律師，一眼就看穿她講大話：「我觀察咗成日，由頭到尾都有強烈感覺係『造假』！（邊Part戲最假？）問佢幾時出發去日本拍AV，佢啲答案全部都好籠統模糊，呢個係好典型嘅講大話模式，同埋佢特別註明『如果我唔去嘅話，我估香港人唔會放過我。』呢句，簡直就係畫蛇添足！」