大話精轉戰格鬥唔驚G奶中拳
麥紫莉昨日以參賽者身份出席ViuTV實況娛樂節目《G-1格鬥會II》記者會，第一季格鬥會成為城中熱話，第二季載譽歸來，當中年僅20歲的Chili是第二季最年輕的藝人選手，她表示參賽目的是挑戰自己：「未接觸過呢項運動，唔想畀人覺得我靠性感，自己講實力嘅，想畀大家睇到我另一面，我唔只性感，仲有其他賣點，好似今次咁親身上台比賽，唔係個個女仔敢。（驚畀人集中打胸部？）唔驚，我已經學拳個幾月。」
提到第一季有參賽者被打至面部受傷，Chili自言不害怕：「參加得比賽就預咗，冇理由唔傷。」問到最需要保護哪個部位？擁有G Cup上圍的她最緊張的並非胸部，反而是臉頰近顴骨位置：「教練話呢個位比較脆弱，唔係擔心毀容，係驚呢個位一打到會見暈。」她與其餘7位選手稍後將出發到日本進行集訓，期望以最佳狀態迎接之後的賽事。