羅敏莊教盧頌之2千蚊搞婚禮
名模陳嘉容（Eunis）昨日為羅敏莊與盧頌之（DaDa）等主持的ViuTV節目《P牌網購團》擔任嘉賓，兩位靚媽羅敏莊與DaDa齊以低胸造型示人，相當養眼。數口精的羅敏莊被問到街市買餸是否有着數？她笑說：「係呀，全部都叫我拎返去畀陳禛（囡囡）食！」
羅敏莊透露節目其中一集主題是婚禮，原來百多元已可以買到婚紗：「我o架，最叻慳錢！」
陳嘉容沉迷網購
至於Eunis直言曾沉迷網購一段時間：「當初流行時好瘋狂，因為實在太方便，上網睇啱就撳，試過用咗五位數買嘢，送到嚟有五箱，最大嗰箱好似洗衣機咁大！」她直言網購有風險，收貨時經常貨不對辦：「通常啲衫Size唔啱質料又差，但使嘅錢係一樣咁多，所以係時候要Stop！我都係習慣出街買嘢，可以摸摸啲質地。」